22 November, 2014

ദളിത് സ്ത്രീ സമ്മേളനം പുന്നല ശ്രീകുമാർ ഉദ്ഘാടനം ചെയ്യും

കണ്ണൂർ:സംസ്ഥാന പട്ടികജനസമാജത്തിന്റെ ദളിത് സ്ത്രീസമ്മേളനം ഡിസംബര്‍ 14ന് പയ്യന്നൂരില്‍ നടക്കും. ദളിതരുടെ പൗരാവകാശ സംരക്ഷണത്തിനായി സമാജം നടത്തിവരുന്ന പ്രക്ഷോഭങ്ങളുടെ പ്രചാരണത്തിന്റെ ഭാഗമായാണ് സ്ത്രീസമ്മേളനം നടത്തുന്നതെന്ന് നേതാക്കള്‍ പത്രസമ്മേളനത്തില്‍ പറഞ്ഞു.
സമ്മേളനത്തിന്റെ മുന്നോടിയായി ജില്ലയിലെ 100 പട്ടികജാതി കോളനികളിലൂടെ സ്ത്രീകളുടെ വിളംബരജാഥ നടത്തും. നവംബര്‍ 23 മുതല്‍ 28വരെയാണ് ജാഥ. പ്രസീത അഴീക്കോട്, മീനാക്ഷി ശ്രീധരന്‍ എന്നിവരുടെ നേതൃത്വത്തിലാണ് ജാഥ. 28-ന് പയ്യന്നൂരില്‍ സമാപിക്കും.
സ്ത്രീസമ്മേളനം 14-ന് പത്തുമണിക്ക് കേരള പുലയര്‍ മഹാസഭാ രക്ഷാധികാരി പുന്നല ശ്രീകുമാര്‍ ഉദ്ഘാടനം ചെയ്യും. സമാജം രക്ഷാധികാരി എം.ഗീതാനന്ദന്‍ വിഷയം അവതരിപ്പിക്കും. നാലുമണിക്ക് ഗാന്ധിമൈതാനത്ത് നടക്കുന്ന പൊതുസമ്മേളനം അന്വേഷി പ്രസിഡന്റ് കെ.അജിത ഉദ്ഘാടനം ചെയ്യും.
പ്രസീത അഴീക്കോട്, മീനാക്ഷി ശ്രീധരന്‍, പനയന്‍ കുഞ്ഞിരാമന്‍, പ്രകാശന്‍ മൊറാഴ, തെക്കന്‍ സുനില്‍കുമാര്‍ എന്നിവര്‍ പത്രസമ്മേളനത്തില്‍ പങ്കെടുത്തു

No comments:

Post a Comment