04 March, 2015

കേരളാ പുലയർ മഹിളാ ഫെഡറേഷൻ വനിതാ സമ്മേളനം

"‪അവഗണനയും അരുമയുമല്ല പെരുമയാണ് പെണ്ണിൻറ്റെ സ്വത്വം‬"

‪‬
മാർച്ച് 8
ലോകവനിതാദിനം....

കേരളാ പുലയർ മഹിളാ ഫെഡറേഷൻ വനിതാ സമ്മേളനം 2015 മാർച്ച് 8 ന് തിരുവനന്തപുരം ഭാഗ്യമാല ആഡിറ്റോറിയത്തിൽ ശ്രീ രമേശ് ചെന്നിത്തല ( ബഹു ; ആഭ്യന്തര വകുപ്പ് മന്ത്രി ) ഉദ്ഘാടനം ചെയ്യും.

മിത്രങ്ങളെ

നൂറ്റാണ്ടുകളോളം നീണ്ടുനിന്ന നിരന്തര പോരാട്ടങ്ങളുടെ ഫലമായാണ് നിലവിലുള്ള നാമമാത്രമായ സാമൂഹ്യ സമത്വത്തിൽ സ്രതീകൾ എത്തിച്ചേർന്നത്.സ്രതീ സ്വത്വമെന്നത് ഒരു സാംസ്കാരിക നിർമ്മിതിയാണെന്ന യാഥാർത്ഥ്യം അംഗീകരിക്കാതെ സ്രതീയുടെ നിലനിൽപ്പിനുള്ള സംവാദങ്ങൾക്ക് പ്രസക്തിയുണ്ടാവില്ല.

"‪‎മാർച്ച്_8‬
‪ലോകവനിതാദിനം‬".
തങ്ങളുടെ അസ്ഥിത്വത്തെക്കുറിച്ചും അധികാരത്തിൽ ലഭിക്കേണ്ടുന്ന പങ്കിനെക്കുറിച്ചും സമൂഹത്തെ ഓർമിപ്പിക്കേണ്ടുന്ന സവിശേഷദിനം....!

സമൂഹചലനങ്ങളെ സമഗ്രതയോടെ നോക്കികാണാനും പൊതുസമൂഹത്തിൻറ്റെ നിർമ്മിതിയിൽ സാന്നിദ്ധ്യമറിയിക്കാനും സമ്മർദ്ദ ഗ്രൂപ്പാവാനും അധിശത്വ കേന്ദ്രീകൃതമായ ജീവിതപരിസരത്തെയും സംസ്കാരത്തെയും നിഷേധിച്ച്..
ഗുണകരമായ തിരുത്തലുകൾക്കുവേണ്ടി സാമൂഹ്യ നീതിയുടെ പോരാളികളാകാൻ.. KPMF-ൻറ്റെ ഈ സംവാദവേദിയിലേക്ക് സവിനയം സ്വാഗതം ചെയ്യുന്നു..

അഭിവാദനങ്ങളോടെ,

കെ.കെ.വിനോമ(പ്രസിഡൻറ്റ്)

സുനന്ദാരാജൻ(ജനറൽ സെക്രട്ടറി)

വിമല ടി.ശശി(ഖജാൻജി)

തിരുവനന്ദപുരം
20-02-2015

No comments:

Post a Comment