തിരുവനന്തപുരം:പത്താം ശമ്പളക്കമ്മീഷന് റിപ്പോര്ട്ടിന്റെ മറപിടിച്ച് പെന്ഷന്പ്രായം വര്ധിപ്പിക്കുന്നത് അഭ്യസ്തവിദ്യരും തൊഴില്രഹിതരുമായ ലക്ഷക്കണക്കിന് യുവജനങ്ങളോടുള്ള വെല്ലുവിളിയാണെന്ന് കെ.പി.എം.എസ്. രക്ഷാധികാരി പുന്നല ശ്രീകുമാര് അഭിപ്രായപ്പെട്ടു.
കെ.പി.വൈ.എം. ജില്ലാ സമ്മേളനത്തിന്റെ ഭാഗമായി സമാപനസമ്മേളനം മംഗലപുരത്ത് ഉദ്ഘാടനം ചെയ്യുകയായിരുന്നു അദ്ദേഹം.
സ്വാഗതസംഘം ചെയര്മാന് ഉദയപുരം അജി അധ്യക്ഷതവഹിച്ചു. കെ.പി.വൈ.എം. സംസ്ഥാന പ്രസിഡന്റ് സാബു കാരശ്ശേരി മുഖ്യപ്രഭാഷണം നടത്തി. കടക്കുളം രാജേന്ദ്രന്, സി.കുമാര്, ആലംകോട് സുരേന്ദ്രന്, മെഡിക്കല്കോളേജ് ഷാജുകുമാര്, സുദര്ശനന്, കെ.പി.വൈ.എം. ജില്ലാ സെക്രട്ടറി ബിനു കഴക്കൂട്ടം, അജി പാച്ചിറ തുടങ്ങിയവര് സംസാരിച്ചു.
സമ്മേളനത്തോടനുബന്ധിച്ച് പ്രകടനവും നടത്തി. ജില്ലാ ഭാരവാഹികളായി പ്രകാശ് പുലയനാര്കോട് (പ്രസി.), മുകേഷ് (സെക്ര.), സജു (ട്രഷ.) എന്നിവരെ തിരഞ്ഞെടുത്തു.
No comments:
Post a Comment