കാലടി:നവോത്ഥാന നായകര്‍ ഒരിക്കല്‍ കുഴിവെട്ടി മൂടിയ ദുഷിച്ച സാമൂഹിക ജീര്‍ണതകള്‍ തലപൊക്കി വരുന്നുവെന്നുള്ളത് നമ്മള്‍ ജാഗ്രതയോടെ കാണണമെന്ന് കെ.പി.എം.എസ്. രക്ഷാധികാരി പുന്നല ശ്രീകുമാര്‍ അഭിപ്രായപ്പെട്ടു.
കെ.പി.എം.എസ്. അങ്കമാലി യൂണിയന്‍ സമ്മേളനത്തിന്റെ ഭാഗമായി കാലടിയില്‍ നടത്തിയ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. അധഃസ്ഥിതന്‍ ഇരുന്ന കസേരയില്‍ ചാണകം കൊണ്ട് ശുദ്ധീകരണം നടത്തുന്ന നാടായി കേരളം മാറി.
യൂണിയന്‍ പ്രസിഡന്റ് പി.കെ. കുട്ടപ്പന്‍ അധ്യക്ഷനായി. ഔഷധി ചെയര്‍മാന്‍ ജോണി നെല്ലൂര്‍, ചവളര്‍ സൊസൈറ്റി പ്രസിഡന്റ് പ്രൊഫ. പി.വി. പീതാംബരന്‍, കാലടി പഞ്ചായത്ത് പ്രസിഡന്റ് കെ.ബി. സാബു, പി.ടി. പോള്‍, ഇ.ടി. പൗലോസ്, കെ.പി.എം.എസ്. അസിസ്റ്റന്റ് സെക്രട്ടറി പി. സജീവ് കുമാര്‍, സംസ്ഥാന കമ്മിറ്റിയംഗം രമേശ് പുന്നക്കാടന്‍, ജില്ല പ്രസിഡന്റ് എം.കെ. വേണുഗോപാല്‍ എന്നിവര്‍ പ്രസംഗിച്ചു.
No comments:
Post a Comment